كلمه احبك غاليه بين الاحباب

مرحبا
كيفكم ؟؟أخباركم؟؟>>> مادري وش الفرق
مابي اطول عليكم من العنوان اكيد عرفتوا شنوا اسم الروايه,
كلمة أحبك غاليه بين الأحباب لاقالها خلي آحس بغلاها

اترككم مع شخصيات الروايه:
الجد (أبوسعود)_الجده(أمسعود)
الولد الكبير سعودوبعده أم ثامروأم مشاري توأم وبعدهم أم خالد وبعدها أم الريم وآخر العنقود تركي(24 سنه)

عائلة سعود:
سعود(أبومحمد),أم محمد,محمد(20سنه),نهى(19 سنه)

عائلة أم ثامر:
أبوثامر,وأم ثامر,ثامر(21 سنه) عبدالعزيز(19 سنه) شذى(17 سنه)

عائلة أم مشاري:
أبو مشاري ,وأم مشاري, مشاري(21 سنه) فارس (19 سنه) غلا(17 سنه)

عائلة أم خالد:
أبوخالد ,وأم خالد, خالـــد (20 سنه ) ,جود و العنود توأم( 15 سنه)

عائلة أم الريم:
أبو الريم , أم الريم, الريم (16 سنه)





























الريم : وأخيراً خلصنا حوسة الامتحانات و وجع الراس..

جود والعنود : باقي النتيجه..

الريم : ياربيه ..لاتذكروني .. وربي خايفه..

غلا وشذى : ماتخافي..

الكل: ههههههههههههههههههه..

الريم ذكرتوني بالاعلان..

نهى: بناااااات... عندي اقتراح >>>>>> قبل شوي خايفين من النتيجه لا يكثر بس

الكل : وشنو اقتراحك.. نورينا..

نهى: بس وعد تكونوا معاي وماتخجلوني؟

الكل: وعد..

نهى:نبي نفكر برحلة نغير فيها جو الامتحانات..

العنود: صح بس وين ؟ وتناظر غلا

غلا: موكأن هذي النظرات شايفتها قبل كذا..

العنود بضحكه: يا.. دبرينا برحله..

غلا: امممممم... بفكر.. وش رايك شذى؟

جود: وش دخل شذى بافكارك؟

الريم: يعني ماعرفتوا..لازم توام روحي توافقني أفكاري..

شذى: غلاي..وكأني اشم رائحة ترييقه علينا..

وقفت غلا ومدت يدها لشذى تقومها...

غلا: شذاي... وش رايك بغذا بمطعم رايق...

الكل: بروحكم..

نهى: ونهون عليكم تتركونا بدون غذا؟؟

الريم: افاااا... وتنسون الريم؟!

شذى بتجاهل للكل: وانا جاهزه.. يلا ننزل حبي..

وينزلوا شذى وغلا..

الريم: شوفوا النذاله..ماتوقعتها منهم..

نهى: توك تعرفي عن نذالتهم..



شذى وغلا:ههههههههههههههه

غلا: صدقوا

الجده طالعه من المطبخ: عساني منحرم من هالضحكه
يارب..

غلا وشذى: ولا يحرمنا من حنانك..

الجد وهو داخل: بناتي عندنا اليوم..

غلا وشذى: جدي ... وراحوا يسلموا عليه

الجده: غلا نادي البنات الغذا جاهز..

شذى: أنا بروح أناديهم ..وتغمز لغلا..

الجد: شذى.. وش سالفة الغمزه؟؟ >>>>> صادووووه

شذى:غلا تقولك ..وأنا بروح أناديهم..

الجده راحت المطبخ وشذى راحت للبنات..

غلا: جدي..

الجد:ياعيون جدك

غلا: طلبتك قول تم..

الجد:انتي عارفه مقدر أرد أحد منكم..

غلا: جدي انت عارف اليوم نهاية الامتحانات ونبي نغير جو
وننسى التعب..

الجد :بس ..ماطلبتي..

البنات نازلين..والجده راجعه من المطبخ..

الجده:ورا ما تقوموا تتغذوا وبلا هالهرج اللي ماله داعي..

الجد:وانتي وش عرفك ان ماله داعي..أخاف تتسمعين..

الجده بزعل: بنات الغذا جاهز.

العنود: افااا ياجدي... تزعل أم عيالك ..ماهقيتها منك...

الجد: بلا هرج زايد يلا ع الغذا..



وعلى السفره...أول ماوصل الجد.. الجده عامله فيها حركات
وزعلانه..

الجد باسها على راسها: السموحه يا أم سعود.. كنت أمزح..

الجده: انت من يوصلوا بناتك تنسى أم سعود..

نهى تقرب للبنات: اوه اوه بدينا حركات الغيره...

البنات:هههههههههههههه.

الجد والجده باستغراب: بلاكم تضحكون؟؟

الريم: سلامتكم..



العصر ..البنات جالسات يتقهووا مع الجد والجده..

الجد: ها يا غلا ..و ين تبون؟؟

البنات فتحوا عيونهم على آخرها..موفاهمين ع الجد..غلا
وشذى مبتسمين..

غلا:وش رايك ياجدي بالمزرعة؟

الجد: والله فكره موب شينه...

العنود تركض جهة غلا وتبوسها بعربجه: كفو بنت العم..

شذى: وخري هذي غلاي بروحي...

جود: بدينا بحركات شذى وغلا..

العنود تبوس غلا بعناد لشذى....

غلا :ووووووووع...قرفتيني..ابعدي عني..

شذى: فديت غلاي... فاهمه علي

الجد :يلا بناتي أخليكم... بروح اضبط الوضع مع الشباب

الريم :بنات أنا رايحه البيت موب قادره اسهر أكثر من كذا..

نهى: كلنا لازم ننام ولاتنسون لزوم الهستره يلا سلام..

وتفرقوا وكلن راح بيته...

يوم ثاني الصباح...

في بيت الخال أبو محمد:

نهى في غرفة محمد: حمود... كفاك نوم..اصحى..ورانا
مشاوير..

محمد: امممممممممم...

نهى: محمد.. كفايه... يلا قوم...

محمد: خمس دقايق بس..

نهى :واذا ماقمت؟

محمد :وربي بقوم... بس ضفي وجهك...



وفي بيت أبو ثامر:

شذى نازله: صباح الورد الروز والجوري... وتروح تبوس راس
امها وابوها...

ثامر: وأنا وين بوستي؟

شذى: ولايهمك هذي أحلى بوسه لأحلى ثمور >> تتمصلح

ثامر: فديتك..

أم ثامر: ها يا شذى قضيتي أغراض الرحله؟

شذى: لسى ...وتوجه نظرات لثامر..

ثامر: عارف... عارف... نخلص فطور ونطلع.. ok ..

شذى: ياي أخوي فاهمني..

ثامر: .. ..

شذى: تسلم لي...



في بيت أبو مشاري:

مشاري: متجه لغرفة غلا.. ويطق باب الغرفه..

: غلا ..غلوي.. غلاي.. يلا اصحي...

غلا: مشاري.. تكفى.. توها بدري.. خلني بنام شوي..

مشاري: بدري من عمرك.. الساعه تسع الصباح..

ويرن جوال غلا على نغمة راشد: هلي لاتحرموني منه..

مشاري: أكيد هذي شذى...

غلا: مشاري خمس دقايق ونازله...

مشاري يتحلطم وهو نازل: صار لي ساعه اصحيها وعيت
تصحى وبرنه من هالدوبه شذوووه على طول صحت....

فارس وكله نوم: وش فيك تتحلطم من الصباح؟

مشاري: مو شغلك روح كمل نوم..



وفي بيت أبو خالد :

العنود تلعب كرتيه مع باب غرفة خالد: خالد ..خلود ..خويلد
..وتفتح باب الغرفه باندفاع ..ويوقف خالد..

خالد: سلامات العنود وش فيك ؟

العنود :سلامات مو على بعضك سلامات.. .. ..

غيرنا الموضوع.. كفايه نوم ..واصحى ورانا مشاوير مهمه..

خالد:روعتيني...ماعندك اسلوب أفضل من هالاسلوب
الرومانسي اللي صحيتيني فيه...



في بيت أبو الريم:

أم الريم تطق باب غرفة الريم: الريم حياتي..تأخرتي على بنت
عمك..يلا ياي اصحي..

الريم: ok ماما.. صاحيه..

ويرن جوال الريم على نغمة: توك على بالي..

الريم: هذي غلا جات ..يلا ماما أنا طالعه...

أم الريم: بحفظ الرحمن...



في سيارة مشاري:

الريم: صباح الخير..

غلا ومشاري:صباح النور..

مشاري يعدل المرايه:كيفك الريم؟؟

الريم بخجل: تمام ...انت كيفك؟

مشاري: دامك ..

غلا:.... تراني موجوده..

الريم:كيفك غلا؟؟

غلا:بدري ليه سألتي؟؟

الريم:غلااااا..

غلا:تمام

مشاري وقف: يلا بنات وصلنا..

في السوبرماركت..ثامر وشذى بدوا يختاروا الاغراض
المحتاجينها.. رن جوال ثامر..

ثامر: هلا مشاري... حنا بجهة الشيبسات..ok ..

شوي ويجي مشاري ومعه البنات..

شذى: هلا ..غلاي...كيفك؟

غلا: دامني اشوف شذاي..

مشاري: ترا غلا ماجت بروحها..

شذى متجاهله مشاري: والريم حياتي... كيفك؟

الريم :تمام ياي..

ثامر: طنشته...لقط وجهك...

وتفرقوا الشباب بعد ماقضوا أغراض الرحله..



يوم ثاني الفجر بعد الصلاة:

الجد: وش رايكم ياعيالي..نمشي الحين؟؟ والشباب اذا صحوا
يلحقونا..

سعود: شورك وهداية الله..

أبو ثامر: وناخذ الحريم معنا..

أبو مشاري : طيب.. واذا الاغراض ماجهزت للحين..

الجد:لا من هذي الناحيه أنا متأكد ان البنات جهزوا كل شي
قبل ينامون...

أبو الريم: توكلنا على الله..

وفي هذي اللحظه اتجهوا للمزرعه...

في بيت الجد:

الريم متجهه لغرفة تركي..فتحت الباب وكانت الغرفه بارده..وتركي يغط في نومٍ عميق >>>أحلى يالفصحى

الريم: خالو... يلا اصحى... الساعه سبع...

تركي فتح عينه وابتسم للريم : أحلى صباح..

الريم: ياصباح الورد.. يلا قوم
..
تركي: خلص أخذ دوش وانزل...

في بيت أبو محمد:

محمد يصحي نهى: نهى ..يلا اصحي..

نهىk صاحيه ..دقايق ونازله...

في بيت أبوثامر
:
عبد العزيز يصحي ثامر: يا أبو الشباب..يلا قطعت سريرك من النوم..

ثامر: اوووووف...مافي حد غيرك يصحيني
...
عبدالعزيز: وانت تطول يصحيك عبدالعزيز..
ثامر: لايكثر بس..
وتدخل شذى: وانت كل يوم ماتصحى واليوم تصحينا على ازعاجك...

في بيت أبو مشاري:
مشاري يناظر غلا: تفكري باللي أفكر فيه؟؟
غلا: مشينا..
في غرفة فارس..دخلوا غلا ومشاري بكل هدوء..وغلا اتجهت للاستيريو.. وشغلته ع آخر حد..
فارس: خيييير... وش صاير؟؟
غلا ومشاري:هههههههههههههههه وبصراخ: صباح الخير
فارس: وانتوا خليتوا فيها صباح..

في بيت أبو خالد:
خالد كان صاحي خوفاً من اسلوب العنود الرومانسي..ومعه جود
العنود نازله وبكل ملل: صباح الخير..
خالد وجود: وش فيك من الصباح؟؟
العنود: مانمت زين..

وبعد كذا اتجه الكل لبيت الجد.. البنات اتجهوا لسيارة تركي.. وطلبوا من تركي ان يخلي عبد العزيز يجي معهم.. والشباب كلهم في سيارة محمد..
وفي طريقهم للمزرعه..الشباب كانوا يتفقوا انهم يطفروا البنات( يقهروهم)..
أما سيارة تركي..الجو كان ولا أروع..
نهى:بنات..بنات... ناظروا هبال الشباب...
البنات يوجهوا أنظارهم لسيارة محمد..كانوا الشباب معلين ع الاستريو وانوع الرقص تلقوه عندهم..
عبدالعزيز: شوف لهبال.. بنات أنا متأكد هذي فكرة فارس..
تركي: محد كاشف حركاته غيرك...
جود: شوف النذاله..
شذى : ولا يهمك..الحين نقهرهم..انتي ناسيه ان عبد العزيز معنا..
الريم: وكيف؟
غلا: تركي دق للشباب وخليهم يمشون معنا بنفس السرعة وبجهة اليمين..
تركي: ليه؟
غلا: تركي ..سو اللي اقول لك عليه...

تركي يدق للشباب..
غلا: يلا عبد العزيز..
عبد العزيز: شمو أغني؟
العنود: تنحط ع الجرح
غلا: لا... هلي
نهى:لا... سلامات..
عبدالعزيز: ok بما ان كلهم لراشد انا بغني هلي..
البنات ناظروا غلا..
شذى: اوووه ..حركات..
تركيوهو يناظر شذى وغلا: وش حركاته؟؟
شذى: سلامتك... يلا عبدالعزيز..

فتح عبدالعزيز النافذه اللي جنبه ومحمد بعد... وبدا عبدالعزيز يغني بصوته العذب..
هلي لاتحرموني منه..
هلي لاتبعدوني عنه...
مثل ماهو قطعه مني..أنا تراني قطعه منه..
تحبه؟
أموت أنا..اذوب..أناادوخ أنا ..والله وميت فيه...
تحبه؟
وعقلي وي وروحي ..ياعلني مابكيه...
هلي تكفون خلوني..معه ولاتلوموني..
هلي ماريد انا غيره... ولا يغني احد عنه..
هلي الله يسامحكم...إذا ماكان عاجبكم..
هلي مليت ناطركم..
هلي تكفون طالبكم..
احس بشوفه الجنه...
حشى ماكنت له جاحد...ولاحب من طرف واحد..
هلي لاتحرموني منه...
هلي لاتبعدوني عنه...

الشباب لما سمعوا صوت عبدالعزيز جنبوا..يبونه يركب معهم... تركي استنذل وماجنب وكمل طريق..
الشباب انقهروا وشخطوا بالسياره ..
وصل تركي ومعه عبدالعزيز و البنات...أول ما دخلوا بصوت واحد: صباح الخير
الكل وباصوات متفرقه: هلا...صباح النور..
عبدالعزيز سلم على جدته وأمه وخالاته وراح مجلس الرجال.. تركي سلم على أمه وخواته وزوجة أخوه وجلس...

شوي وصلوا الشباب: ....
البنات تلثموا..الشباب دخلوا وسلموا..وبعدها.. خالد يناظر خواته بحقد والعنود ناقعه ضحك...محمد يناظر نهى ويتوعدها... ثامر يناظر شذى ويقول:الشره موب عليك على عبدالحليم اللي عطاكم وجه
فارس يناظر غلا..وقبل لايتكلم..غلا:لكل فعل وتناظرشذى
غلا وشذى: ردة فعل مساويه له في المقدار ومعاكسه له في الاتجاه..
الكل الا الشباب:هههههههههههههههههههه
مشاري: تكلموا بنات علمي..
الريم: نعجبك حنا..
مشاري ناظرها بعتب..ناظرته ولتفتت علي غلا وشذى: يلا بنات تروح نحط أغراضنا في غرفنا عشان ننزل ونفطر..
البنات
بعد ماقاموا البنات..الشباب كلهم وجهوا أنظارهم لتركي..
تركي: خييير شباب ؟؟ مضيعين شي بوجهي؟
أم مشاري: وش فيكم تناظروه كذا؟
مشاري: لا أبد سلامتك يمه بس أخوك المحترم راعي الفزعات شافنا متعطلين ونحتاج مساعده طنشنا ومشى عنا...
أم ثامر: لييييه؟ وانتوا وش كثركم وتبون خالكم يوقف لكم !! ليييه صغار؟؟
أم الريم : وبعدين معه البنات كيف يوقف؟
تركي بضحكه وابتسامة انتصار: شباب لقطوا وجيهكم..
ثامر: شباب مالنا مكان هنا.. نروح لجدي احسن..
وناظروا تركي ..خالد: ها ياتركي ماودك تجي معنا ؟
تركي إلا... وقام وراحوا المجلس..

بعد الفطور:
البنات قرروا ياخذوا جوله ع المزرعه..وهم طالعين من مجلس الحريم..كانوا الشباب جايين يجلسون مع الامهات..
البنات: هارد لك شباب
الشباب: مردوده
العنود بعربجيه: الأيام بيناا>>>> تعجبني .... وتفرقوا...

البنات وهم بجولتهم:
نهي: بناااات... نبي نركب خيل..
شذى: أكييييد يانونو.. بس موب الحين
غلا: وش رايكم نسوي سباق
الريم: بدون تركي ما أقدر
جود: تكلمت الخوافه
العنود: أنا مابي اركب بس ليه ماتركب كل وحده مع أخوها والريم مع تركي
شذى: ok
غلا: يلا بنات ع المسبح
الريم: ذكرتينا
راحوا البنات يغيرا ملابسهم.. عشان يسبحون..
غلا: أنا بروح للشباب بجيب لنا الكوره
شذى: طيب حنا بنروح وانتي تعالي لنا

راحوا البنات وغلا اتجهت للشباب ولقت عبدالعزيز عند الباب
عبدالعزيز: هلا...غلا... بغيتي شي؟
غلا: هلا.. بغيت الكوره.. إذا عندكم هاتها..
عبدالعزيز: انتظري بشوفها عند الشباب
دقيقتين ورجع عبدالعزيز: لو بكيفي كان جبتها بس تعرفي بعد حركة النذاله اللي سويناها مستحيل يعطوني..
غلا طيب خلاص
عبدالعزيز ماهان عليه يرجع غلا بدون الكوره.. راحت غلا للمسبح وقالت لهم ان الشباب مستحيل يعطوهم الكوره..
خمس دقايق وسمعوا صوت عبدالعزيز ينادي: بنات بعدوا بدخل الكوره..فتح الباب وشات الكوره للمسبح
غلا والفرحه مو سايعتها: تسلم
البنات: غلوووه.. وش سالفتك مع عبدالعزيز؟
شذى:مافيه سالفه..تركوا عنكم الهرج اللي ماله داعي وخلونا نستمتع..
طبعاً الجو رووووعه..لعب واستهبال...


وفي نفس الوقت..الشباب يبون الكوره
خالد وهو يدور ع الكوره: شباب احد يعرف وين الكوره؟
مشاري: كانت هنا قبل شوي
ثامر يناظر عبدالعزيز: عزوز وين الكوره؟
عبدالعزيزبثقه: وأنا وش عرفني؟
ثامر: أخاف شتها هنا والا هنا
عبدالعزيز بنفس الثقه: لو اعرف وين كان قلت لك
تركي يدندن بصوت خفيف مايسنعه غير عبدالعزيز:
كذبك حلو ياأول كذبه صدقتا بحياتي
كذبك حلو ياأحلى كذبه واخترتا بذاتي
عبدالعزيز يبتسم..الشباب بعد ماكانوا متحمسن للعب الكوره جلسوا بكل ملل..

وبنفس الوقت:
اللي جلسوا فيه الشباب كانت الريم متجهه لهم جايبه الكوره..
الريم: مشكوووورين شباب..نخدمكم بالافراح..
الشباب فتحوا عيونهم وصرخوا: الريـــــــــم
الريم: خييييييييير..تراني اسمع
فارس: ومن وين جبتوها؟
الريم: العصفوره جابتها
الشباب ناظروا عبدالعزيز: أحلى يالعصفوره

بعد الغذا:
شذى كلمت تركي واتفقت معه على ركوب الخيل..
التقوا عند الاسطبل..
تركي: وش ترتيباتكم؟
نهى: العنود راح تكون الحكم..انت راح تركب معك الريم وانا مع محمد وثامر وشذى ومشاري وغلا وجود وخالد وعبدالعزيز بروحه وفارس بروحه والسباق راح يكون بين كل اثنين بالقرعه
العنود جابت ورق القرعه: يلا شباب انتبهوا أول فريق هو
وصل بندروالعنود ساحبه أول ورقه
بندر: سلام شباب(( بندر صاحب ثامر ومشاري))
الكل:هلا
ثامر يكلم بندر: وش رايك تدخل بالسباق معنا؟
بندر:أكيييييييييد
العنود: أجل بضيف اسمه
جود: ها يالعنود من أول فريق؟
العنود: أول فريق..نهى ومحمد مع بندر
محمد: يلا نهى
وركبوا ع الخيل
محمد: نهى تمسكي
العنود:1..2..3..go
انطلقوا محمد وبندر بسرعه متساويه وبعد شوي..
محمد: نهى خايفه والا انطلق بسرعه أكثر؟؟
نهى: لا موب خايفه
محمدk وانطلق بسرعه أكثر من قبل..
بندر لما شاف محمد سرع قال في نفسه: بدا الجد..وانطلق بسرعه أكثر..

طبعاً الشباب كانوا يشجعوا محمد..مشاري وثامر يشجعوا بندر والبنات طبعاً يشجعوا محمد عشان نهى
العنود: وينهم مارجعوا؟ وماكملت كلامها إلا وبندر واصل
العنود: مبرووووك بندر وهاردلك لمحمد ونهى
العنود: يلا الفريق الثاني...سحبت ورقه..الفريق الثاني هو مشاري وغلا مع تركي والريم..
مشاري كان فرحان بداخله( آه لو بس كانت الريم خطيبتي) وتقاطعه العنود: اللي ماخذ بالك
مشاري ابتسم وطنشها
العنود: يلا شباب..1..2..3..
انطلقوا وتركي كان يسرع خافت الريم من سرعة تركي..
الريم: ترووك ...تكفى خفف السرعه ..خايفه..
تركي: طيب... طيب.. لاتبكين علينا...

اما مشاري كان يسرع وغلا ماكنت تخاف..وصل مشاري قبل تركي..
العنود: مبرووووك مشاري..هاردلك خالو.. أكيييييد السبب ريومه..
تركي ابتسم: وهل يخفى الخبر..والتفت للريم: أنا آخر مره اركبك معي
مشاري: لاتخاف مافي مره جايه..وفي نفسه( لأن المره الجايه ماراح تركب مع غيري)
طبعاً البنات بوسوا غلا..
العنود: يلا الفريق الثالث طبعاً عبدالعزيز وفارس
بندر: طيب شباب أنا استان الحين
ثامر: وين؟ بدري..
بندر: بدري من عمرك..بس بروح اجيب الاهل
ثامر: طيب ..الله معك
انطلقوا فارس وعبدالعزيز بنفس السرعه وهم راجعين.. عبدالعزيز فقد توازنه وطاح من ع الفرس..وانتبه له فارس و وقف ونزل من ع الفرس: عبد العزيز صار لك شي ؟
نــــــهــــايـــة الـــبــارت الأول

ابي رايكم بالبارت
وإذا لقيت تشجيع راح انزل البارت الثاني

اتمنى ان تناااااااااااااااااااااااال اعجابكم

لعيووووووووووووووووووووووووونك كياني

الصراحه مرررررررره جنان

يسلمووووووووووووووووووو ع مرورك

جناااااااان يسلموووووووووو